ჩვენს შესახებ

კომპანია  ამბარი აერთიანებს საკვების და საყოფაცხოვრებო მიმართულებებს ამჟამად წარმოდგენილია 32 ფილიალით საქართველოს მასშტაბით და სწრაფი გაფართოების ეტაპზეა

ჩვენ ვართ განვითარების ეტაპზე მყოფი, მზარდი კომპანია, რომელიც აძლიერებს სტრუქტურას და ქმნის სტაბილურ სამუშაო გარემოს.

ამბარი აცხადებს ვაკანსიას სწავლებისა და განვითარების მენეჯერის პოზიციაზე

სამუშაო გრაფიკი: ორშაბათი-პარასკევი  (09:00-18:00 ან 10:00-19:00 სთ-მდე)

სამუშაო ადგილი და ფორმატი:

პოზიცია გულისხმობს მუშაობას როგორც ცენტრალურ ოფისში, ისე აქტიურ საველე საქმიანობას თბილისის მასშტაბით არსებულ ფილიალებში. ასევე, სასწავლო საჭიროებებიდან გამომდინარე, ვაკანსია ითვალისწინებს პერიოდულ რეგიონულ მივლინებებს.

ანაზღაურება: 2000 ლარი გამოსაცდელ ვადაში

ფუნქცია-მოვალეობები:

პოზიციის მიზანი: საცალო ქსელის თანამშრომელთა მომზადების, Onboarding-ისა და უწყვეტი სწავლების ეფექტური სისტემის შექმნა, სასწავლო პროგრამების როგორც თეორიული, ისე პრაქტიკული (საველე) მიმართულებით მართვა და გუნდის საოპერაციო ეფექტურობის გაზრდა.

• ახალი თანამშრომლების Onboarding-ი და ადაპტაცია: კომპანიის კულტურის, შინაგანაწესისა და მომსახურების სტანდარტების გაცნობა;
• სასწავლო მასალების შექმნა: მომსახურების სტანდარტების სახელმძღვანელოების (Service Book), ვიდეო-გაიდების, პრეზენტაციებისა და მოკლე დამხმარე მასალების შემუშავება და მუდმივი განახლება;
• საველე სწავლება (Training on the Job): ფილიალებში სამუშაო პროცესზე აქტიური დაკვირვება, რეალურ კლიენტებთან მუშაობის დროს თანამშრომლებისთვის უკუკავშირის მიცემა და პრაქტიკული უნარების ადგილზე განვითარება;
• მონიტორინგი და შეფასება;
• რეპორტინგი;

ძირითადი მოთხოვნები:

• უმაღლესი განათლება (სასურველია ბიზნესის ადმინისტრირების, ფსიქოლოგიის ან HR მიმართულებით);
• ტრენერად მუშაობის მინიმუმ 2 წლიანი გამოცდილება (უპირატესობად ჩაითვლება გამოცდილება რითეილ სექტორში);
• ეფექტური პრეზენტაციისა და ფასილიტაციის უნარები;
• საოფისე პროგრამების სამუშაო დონეზე ფლობა ;
• ენერგიულობა, მოტივირებულობა და დიდი აუდიტორიის მართვის უნარი.

შენიშვნა: პირის მიერ ავტობიოგრაფიის (CV) გამოგზავნა გულისხმობს მის მიერ პერსონალური მონაცემების დამსაქმებელისათვის გადაცემას და თანხმობის გაცხადებას აღნიშნული მონაცემების დამუშავების თაობაზე. ავტობიოგრაფიაში მითითებული პერსონალური მონაცემები დამსაქმებელის მიერ დამუშავებული/შენახული იქნება მხოლოდ ვაკანსიისათვის კანდიდატის შერჩევის მიზნით, შესასრულებელ სამუშაოსთან კანდიდატის შესაბამისობის დადგენის მიზნით, შესაძლო შრომითი ურთიერთობის წარმოშობის მიზნით, შრომითი ურთიერთობის მთელი პერიოდის განმავლობაში, ასევე შრომითი ურთიერთობიდან გამომდინარე. დამსაქმებლის მხრიდან, ზემოთ აღნიშნული მიზნებისათვის, პერსონალური მონაცემების დამუშავება განხორციელდება მხოლოდ შესაბამისი უფლებამოსილების მქონე პირთა/თანამშრომელთა მიერ. კანდიდატის პერსონალური მონაცემების დამუშავება განხორციელდება 6 თვის ვადით, შენახვა გონივრული ვადით ელექტრონული ან/და ამობეჭდილი სახით.